أعلن الأمير الشاعر بدر بن عبدالمحسن اليوم - الاثنين إعتزاله الأمسيات الشعرية والأكتفاء بكتابة الشعر بعيداً عن الأضواء - الرياض - 21 / 5 / 2013م
الليل ظلمـاء والقوافـي محازيـن
لا تغيب يا بدر الوطن عن لياليـه
|
زيـح الظـلام ولوّنـه بالتلاويـن
لون البرد مثل المطر في مناشيـه
|
ولا تعتزل جمهورك اللي ملاييـن
نعمة من الرحمن والكـل راجيـه
|
الكلمة اللي مثل زهـر البساتيـن
تحيا وراعيهـا عظيمـة مراقيـه
|
يا مهندس الكلمة بشتى المياديـن
الشعر يشهد لك وتشهـد قوافيـه
|
لك في رياض المجد بيض الدواوين
أجمل حروف الضاد واسمى معانيه
|
قصائدٍ ترجح فـي كـل الموازيـن
من راجح الأفكار صفـوة مباديـه
|
وضح المعاني مثل وضح المزايين
سنامهـا عالـي وللمجـد راعيـه
|
طيب النباء فيها لطيـب العناويـن
والجوهر المضمون مكسب لقاريـه
|
والشعر ديوان العـرب والمياميـن
توارثوا ما فيه خاضـوا مراميـه
|
فيه المثل والدين خيـر القوانيـن
والحكمة اللي مثمرة فـي معاليـه
|
نبراسها مـن ناسهـا والبراهيـن
من صادق الوجدان واصغر مبانيه
|
ولا تغيب يا نسل الكرام السلاطين
الكـل منّـا فـي طريقـه لباريـه
|
أشعارك العصماء وريح الرياحيـن
عطر الوطن والكـل منـا يناجيـه
|
صالح محسن الجهني
|
