قيادة المرأة
بالله أعطوها الرخصة وعلموها
فن القيادة ساهر دايم سهران
عينه يا عين أبوها ... فهموها
قشرا وفيها البارق مثل النيران
واذا مشت في شارع حزموها
عينه مثل البارودة وجيبه مليان
ما هي مثل عيوني لا تلوموها
اغض طرفي حشمة ولاني ندمان
بالله أعطوها الفرصة وحشموها
تراها منا وفينا نصف الإيمان
لا تكسروا خاطرها وتحرموها
عسى فالامر خيرة وغاب الشيطان
لا تحطموا هيبتها وتصدموها
ممكن مضطرة كونوا أكرم اخوان
تقضي حاجتها بيدها واكرموها
استودعوها الباري والدار أمان
لا تظلموا دنيانا وتظلموها
لولا الحاجة ما ساقن بعض النسوان
واللي مثل الأميرة ويخدموها
محارمها في نعمة عظيمة شأن
دولتنا للمعالي يقدموها
أهل الشريعة السمحة وأهل القرآن
والشعب الوافي فيها ويحكموها
اللي بنوا علياها ويسلم سلمان
صالح محسن الجهني
