أعظم جروحي من المحبوب
وأكثر اسايه من الأحـباب
بالحب انا دايـم المغلـوب
ما اقدر اسكر عليه البـاب
ما تبت انا فالهوى ما اتوب
زود عنايه وراسـي شـاب
وأهل الوفا قدرهم محسوب
وأهل الردى عايشين أغراب
أمـوات لكن بـدون جنوب
بأهـل الردى ما يفيد عتاب
شليـلهم من شلـيل عيوب
لو ما فهم ما حسبنا حساب
ما يحشم الناس غير قلوب
نبراس محشومة الأشنـاب
فتشت انا قلبي المحجـوب
لقيته اصغر من المحسـاب
تحميله اكثر من المطلـوب
اكبـر ملفاتـه الأصـحاب
اوسط ملفاته اللـي ينـوب
الوقت يمضي بدون حساب
واصغر ملفاته المشطـوب
بايد قديـم وعليـه تـراب
ما سرني عاشق المرغـوب
للنفس إلا بعـد مـا ثـاب
القلب لو يسمع الحاسـوب
نظم كيانه وجوفـه طـاب
بتسبيح واحد عليم غيـوب
الهمه يجري وراء الاسباب
ولابد يصبر على المكتـوب
والعقل نوره بعلـم كتـاب
لو كان قاصر عظيم اسلوب
عقل الفتى يضبط الاعصاب
والقلب مثل الهرم مقلـوب
والعقل خيمة عليها اطنـاب
صالح محسن الجهني
نشرت بالمجالس الينبعاوية 21/3/2005 م
