تدري وش اللي تراه الروح
لا صارت الأرض مسكونه
الحزن فجاءه يصير فروح
وأيـام الأفـراح محزونـه
والطاولة تنقلـب وتنـوح
والمحبرة تصير مسنونـه
والحنظلة بالعبيـر تفـوح
والحاليه تصيـر ليمونـه
والدم يجري بدون جـروح
شلال من نحـر مزيونـه
كأنهـا خيلـي المجـروح
اللي عشق خيل مجنونـه
تجري ولا بسرجها مصلوح
وبطون الأيـام مشحونـه
دنيا وفيها الحكي مسموح
ياما بها نفـوس مفتونـه
ياما بها والليالي شحـوح
خيـرات وأيـام ميمونـه
مشروبها صافي المنضوح
قـراح لعقـول مصيونـه
تفكيرهم والحيـاة طمـوح
العلـم وعلـوم مضمونـه
وختـامها والسنين تـروح
كـل الاباليـس ملعـونـه
صالح محسن الجهني
