عميد طيار ركن متقاعد

لقب ( شاعر القوات الجوية ) تشريف وتكريم من صاحب السمو الملكي الأمير سلطان بن عبدالعزيز آل سعود ولي العهد نائب رئيس مجلس الوزراء وزير الدفاع والطيران رحمه الله فقد منحني إياه في حفل تخرج الدورة ( الحادية والعشرين ) من كلية الملك فيصل الجوية بالرياض عام 1402 هـ



الجمعة، 31 ديسمبر 2010

مرحوم يا شيخ ٍ علا ذكر طاريه ، حكم بشرع الله دنيا ودينا



رثاء جلالة الملك خالد بن عبدالعزيز آل سعود طيّب الله ثراه وأسكنه فسيح جناته جنات النعيم
 ( نشرت بجريدة الرياض  ) في عام 1402 هـ وفي ديواني ( بين السحابة والسراب ) أصدار عام 1416 هــ

رابط القصيدة بقاعدة معلومات الملك خالد بن عبدالعزيز

الله من قلـبٍ بـه الهـم طاويـه
من الفجيعة يـوم حلّـت  علينـا
باللي بكته عيون وقلوب  ترثيـه
يوم ٍ رحـل وحنّـا لـه مودعينـا
يا عـين كـفي دمعـك لا تهـليه  
المـوت حـق وسنـة الله فينـا
هذا الدهر ويلاه ما اكثر  بلاويـه
يوم ٍ يسر الناس وآخـر  حزينـا
كم غالي ٍ أرواح تهدى وتحميـه
بس المنيـة أقبلـت مـا درينـا
لو شاورت شعبه ملا يين تفديـه
بأرواحها وأقسم عليهـا  يمينـا
يا عين مالك والبكـاء لا تجريـه
أمرن قضـاه الله وحنّـا رضينـا
قالت لي العين البكاء ما أقدر اخفيه
والقلب فيه الحزن منـه  الانينـا
للي رحل والشعب لا زال يغـليـه
خالد عسـاه بجنـة  الصالحينـا
اذرف عليه الدمع ذارف  وأبكيـه
لو تنفع العبـرات لبكـي سنينـا
مرحوم يا شيخ ٍ علا ذكر طاريـه
حكـم بشـرع الله دنيـا  ودينـا
العين شافت خالد وفعـل أياديـه
لابناء شعبه أبـنائه  المخلصينـا
سهّل لهم درب العلم يهتدوا فيـه
يمشي به رجال العلـم  مهتدينـا
خالد بدرب العلم بيضاء  مباديـه
تاج ٍ لأهـل العلـم  والقاصدينـا
خالد لذكـر الله عظيمـة مراقيـه
الطيّـب القلـب التقـي  الأمينـا
خالد بدرب الخير خيـر بمعانيـه
أعطى ضعيف الناس  والقادرينـا
خالد بدرب السلم تثمر  مساعيـه
فيه السخاء ضد الحقد والضغينـا
يا الله عسى الفردوس جنتك تاويه
وعمّيه يا رحمة وقـار  وسكينـا
يعوّض الإسلام في فقـد  حاميـه
حامي حمى الإسـلام والمسلينـا
ويعوّض الشعب السعودي براعيه
ويلهمهم السلوان في ما  ابتلينـا
يا من ترك دار الفناء لدار تنزيـه
يا السابقين حنّـا بكـم لاحقينـا
مليكنـا الفهـد الخليفـة اعزيـه
بفقيـدنا اللي عظّم الجـرح فينـا
مليكنا يـا الله تحفظـه وتحميـه
للشعب وحنّـا بأسمـه مبايعينـا
كمل مسيرتنا على الدرب ما  نتيه
يحفظـك ربّ الكـون  للعالمينـا
مليكنا يا عـزّنا عـزّ مـاضـيـه
عبدالعزيـز وأنجالـه الأكرمينـا
عبدالله ولي العهد يحفـظه  باريـه
لولي عهـد المملكـة  معاهدينـا
وأمير جيش الفهد يـا الله تبقيـه
النائـب الثانـي عزيـز ٍ علينـا
سلطان جيش المملكة يفتخر فيـه
بجنوده اللي للعـداء مـا  تلينـا
نكمل مسيرتنا بجيش ٍٍ  يـباريـه
عزم الرجـال جنـوده القادرينـا
صالح محسن الجهني