يا هيه يا اللي مسهر الليل والناس ، من دون ما تشعر وعينك لطيفة

يا هيه ياللي مسهر الليـل والنـاس من دون ما تدري و عينـك  لطيفـة

هون على روحك ترى طير  قرنـاس ما حام فالتاريخ مـن فـوق جيفـة

ولا قيل فالايام والـرأي لـه سـاس أهل العقل صيـد العقـول  الخفيفـة

أهل العقل يرسون ما همهـم  بـاس عيـد القلـوب النايفـات  النظيفـة

هون ولا تنادي لو الفكـر  محتـاس وأصبر ترى الأيـام تجـري عنيفـة

أعنف من التيار في نحـر نسنـاس وألطف على كل القلـوب  الشريفـة

دوراتها فيها الأمـم ذاقـت الكـأس كأس الصراع أخبارهـم بالصحيفـة

فـي كـل يـوم أرواح لله وأنفـاس تزهق بليـا أسبـاب دنيـا مخيفـة

وإن كان تعجب فالعجب ماله إحساس ترى العجب طبع العقـول السخيفـه

والمرجفين أهل الفتن ناسٍ  أنجـاس شبابـة النيـران بأسهـل  وظيفـة

نقل الحكي والهمز واللمز  واليـأس والـذم والتدليـس بيـع  العجيفـة

وأهل الوفاء والطيب للحر  نومـاس في صمتهم مثـل الجبـال  المنيفـة

الخير مذهبهم وفي عالـي  الـرأس الفكـر والحكمـة وروضـة مريفـة

والصدق ديدنهم مثل جوهر  ألمـاس والصبر من طبع النفـوس العفيفـة

صالح محسن الجهني