لا يهمونك ومالك والزعل = اسيا في انتظارك يازعيم

 (الأخضر) وصيف (العنابي) بطل خليجي22 

المنتخب السعودي - خليجي 22

أحمد عيد رئيس الإتحاد السعودي لكرة القدم



المدرب الأسباني خوان لوبيز كارو المدير الفني للمنتخب السعودي

لا يهمونـك ومالـك والـزعـل
آسيا فـي انتظـارك يـا زعيـم

قـادم الأيـام أجـمـل والأمــل
دايمـن بالله والمـولـى كـريـم

لا تراعيهـم عربـنـا والأهــل
ما يخيب اللـي مـع الله العظيـم

رغـم انجـازك تغنـوا بالفشـل
الله أكبر ما طفـت نـار الهشيـم

هذا إعلامـك وهـذا مـا حصـل
ما حصل منهم نعرفه مـن قديـم

باختصاصه كل منهـم مـا عمـل
شغلهم شغل المدرب شي عظيـم

للصحافـة والحصافـة اخـتـزل
منهـج الإعـلام بالنقـد السقيـم

صـار أكثرهـم مـدرب  للجـدل
أو محلل اختصاصي سيـن جيـم

والمصيبـة والعجيبـة  والجهـل
المعلق صار لـك أكبـر  خصيـم

يشبه القشة علـى ظهـر الجمـل
وين وصف اللعب والصوت الرخيم

راح أجمل وصف جمهورك رحـل
من سبايبهـم تعصبهـم  جحيـم

وين أجمل نقـد تصويـب الخلـل
ما يكدر صفو في طرحـه  حكيـم

ما يماري للصحافـة فـي خجـل
للوطن عاشـق وللاخضـر نديـم

ولا يهمونك وهـذي فـي  عجـل
الأمـــل بالله والله  العـلـيـم

الحكايـة دايـم الأخضـر وصـل
اتحـادك خيـر واعـدادك سليـم

يكفي دايم يا وصافـة يـا  بطـل
والرياضة دروس يفهمها  الفهيـم

صالح بن محسن الجهني