أكيد حنّا فوق وأنت الذي دون = ياللي تظن الود بالزيت والمال

قصيدة ردا على مقالات جريدة الديار اللبنانية في صباح يوم زيارة الرئيس اللبناني ميشال عون للمملكة 11 يناير 2017م 

.....

أكيد حنّا فوق وأنت الذي دون

ياللي تظن الود بالزيت والمال

كنّا نعدك أخ غالي وما تهون

واللي اتضح ما تحفظ الود دجّال

مع السلامة روح ما تبكي عيون

عليك يا ناكر مواقيفنا طوال

عاملتنا بالشر وابليس ملعون

خلاك تنسى طيبنا طيّب الفال

وبعد الإساءة صادق القلب محزون

ما لك وداد ولا لك اليوم منزال

ما جيتنا بالطيب جوهر ومكنون

لو جيتنا بالعذر زال الاسى زال

أكيد حنّا فوق راع الوفاء يمون

إلا أنت دون المجد ورجاله رجال

حنّا العرب حنّا لنا مجد مصيون

أما أنت تابع فرّس والفرّس أنذال

حنّا السعودية على خير قانون

والله عطانا الخير مع راحة البال

والحمد له والشكر والكل ممنون

للواحد المنعم وفي كل الاحوال

حنّا الخليج اللي على الطيب مضمون

من هو يعادينا ولا يذوق فنّجال

نوفي مع الوافي ذخيرة ومخزون

أما الردي ماله مكانه وأفضال

ولا يهمنا مثلك ولا حقد مدفون

حنّا لنا الرحمن والصبر جمّال

يا ناكرين الطيب واليوم تبكون

على زمان الوصل ما بيننا حبال

أنتم قطعتوها وفيما تظنون

الله يعدلها على خير يا رجال

حتى الزيارة طعمها كأس ليمون

الله يحليها من غصون عرسال

ونعيد ذكرى الود والخير مرهون

بأفعالنا والوقت متبدل الحال

والله يحفظ خادم البيت ميمون

يستقبل ضيوفه ويا مرحبا قال

صالح محسن الجهني