عميد طيار ركن متقاعد

لقب ( شاعر القوات الجوية ) تشريف وتكريم من صاحب السمو الملكي الأمير سلطان بن عبدالعزيز آل سعود ولي العهد نائب رئيس مجلس الوزراء وزير الدفاع والطيران رحمه الله فقد منحني إياه في حفل تخرج الدورة ( الحادية والعشرين ) من كلية الملك فيصل الجوية بالرياض عام 1402 هـ



الثلاثاء، 28 يوليو 2020

كم واحدٍ مات وباقي له أثر طيّب ... ومآثر الخير معروفة تواليها

أثر طيب

كم واحدٍ مات وباقي له أثر طيّب
ومآثر الخير معروفة تواليها

لو شابت أخبار فعل الطيب ما يشيّب
يعيش واخبارهم عاشت لياليها

وازرع من الطيب ربّ الكون ما يخيّب
مساعي الخير تثمر في نواحيها

وما فيه مثل الكرم والمذهب الطيّب
مع خصلة الدين وخير الخلق راعيها

مع شيمة الصدق وشمس العفو ما تغيّب
مشراقها من قلوب الخير يكفيها

في وقت فيه البعيد أصبح لنا قريّب
وصل الرحم يعمر الدنيا ويحييها

رزقك على رازق الأيتام والثيّب
في وقت فيه البشر كفت أياديها

والعيب نقص الوفاء والفقر ما يعيّب
رزقك على خالق الدنيا وباريها

ولا تسمع أخبار قال وخلك حبيّب
أخبار دنياك توصف لك أهاليها

دنيا وفيها الفتن وابليس ما يسيّب
عداوته للبشر معروف داعيها

من عاش فيها في جنب الله متهيّب
يسأله من رحمته يكفيه ما فيها

يالله نسألك تسقينا مطر صيّب
نافع ويغسل ثراها من بلاويها

صالح محسن الجهني