عميد طيار ركن متقاعد

لقب ( شاعر القوات الجوية ) تشريف وتكريم من صاحب السمو الملكي الأمير سلطان بن عبدالعزيز آل سعود ولي العهد نائب رئيس مجلس الوزراء وزير الدفاع والطيران رحمه الله فقد منحني إياه في حفل تخرج الدورة ( الحادية والعشرين ) من كلية الملك فيصل الجوية بالرياض عام 1402 هـ



الجمعة، 7 أغسطس 2020

عجيب هذا الوقت حبله يشدك ... واللي يشد الحبل ما هو رفيقك

عجيب الوقت

عجيب هذا الوقت حبله يشدك
واللي يشد الحبل ما هو رفيقك

رفيقك اللي ما يشده في يدك
ويحرص على ودك وكنه شقيقك

ويستر على عيبك ولا يبيح سدك
ويجبر مصابك لو عثرت بطريقك

هذا الذي بالطيب والطول قدك
وبالجوهر الألماس يلمع بريقك

ما هو مثل من حرك اعداك ضدك
عدوك اللي تحسب إنه صديقك

راعي مصالح دامه الخير عندك
يلبس لباسك تحسبه من فريقك

ويسعى لها بالمكر واللي يحدك
وينثر لك الأشواك واللي يعيقك

وهذا ومثله أحذره لا يهدك
واعزل دقيقه لا يجي مع دقيقك

وعيش الحياة ولا تصعر بخدك
مثل البحر ما من عرف كم عميقك

واحفظ ودادك واكرم اللي يودك
وابعد عن اللي من الحسد ما يطيقك

صالح محسن الجهني