عميد طيار ركن متقاعد

لقب ( شاعر القوات الجوية ) تشريف وتكريم من صاحب السمو الملكي الأمير سلطان بن عبدالعزيز آل سعود ولي العهد نائب رئيس مجلس الوزراء وزير الدفاع والطيران رحمه الله فقد منحني إياه في حفل تخرج الدورة ( الحادية والعشرين ) من كلية الملك فيصل الجوية بالرياض عام 1402 هـ



الاثنين، 5 سبتمبر 2011

مع الشاعر الكبير الشريف أحمد الدبيش أبو نايف



سـلام للـي عـلا  صيتـه
نبـراس للحـرف نبراسـي
في سـدرة الطيـب هنيتـه
بأجمل لقاء منهجه  راسـي
حديثـه راقـي  وعديـتـه
أسطورة القيل مـن رأسـي
يا أحمد وشرحـك  تقديتـه
يوم البناء وأعتـلا ساسـي
ليه الهوى كـل مـا جيتـه
بأحساس يجرح لي أحساسي
من خبرتك في بنـاء بيتـه
علمني لا تذهـب  أنفاسـي
صالح محسن الجهني


من طيّب فـروع نقيتـه
يا عدّ من خيرة  الناسي
ترحيب حشمة  ووصيته
يومي يصبحك  ويماسي
ممنون من كل ما  أبديته
فأمثالك الطيبه  حاسـي
واللي على الناس قصيته
من تجربة عمر ومراسي
لو الهوى اللي  تمنيتـه
ما غيّره بعض الأجناسي
يبقى حسب ما  تهقويته
ولا صار آسي  ومتآسي
أحمد البيش


يا من لكم عاليات صروح
من ساسكم مجدها عالـي
سلام مع طيبات  شـروح
تنبيك عن كامل  احوالـي
إلى متى والليالي  تـروح
مرواحها في فضا  خالـي
بعت العنا واشتريت الروح
لو مكسبي صار  راسمالي
صالح محسن الجهني


يامرحبا والسهو مسمـوح
وانت رجل عندنـا غالـي
واللي لهم فالمعاني سبوح
لمثلهـم نلقـي البـالـي
أحيان فيها الليالي شحوح
تبخـل وتقفـي بلآمالـي
ومن يحفظ الراسمال ربوح
يبقى معـه ركـز للتالـي
أحمد الدبيش

سلام نقـوة لأبـو نايـف
مخصوص لهل الوفا نقيت
مثل المطر في ربى الطايف
ناقي لراعي الأدب اهديـت
طايف بروحي من  الطايف
وطاف بي لين حد البيـت
ولما دخلت الحمى خايـف
طفت المشاعر ولا زليـت
صالح محسن الجهني


ترحيب يامن لنـا ضايـف
من طيّب القول ويش خلّيت
ماني لـرد المثـل عايـف
لاجالنا فأحسـن التوقيـت
آنا حسب وصفكم  شايـف
انك لها العاقبـه  صفيـت
واللي مايافق عنه سايـف
واستفتي العقل لااستفتيـت
أحمد الدبيش

نشرت بالمجالس الينبعاوية 5 - 5 - 2008 م