عميد طيار ركن متقاعد

لقب ( شاعر القوات الجوية ) تشريف وتكريم من صاحب السمو الملكي الأمير سلطان بن عبدالعزيز آل سعود ولي العهد نائب رئيس مجلس الوزراء وزير الدفاع والطيران رحمه الله فقد منحني إياه في حفل تخرج الدورة ( الحادية والعشرين ) من كلية الملك فيصل الجوية بالرياض عام 1402 هـ



الجمعة، 23 يناير 2015

قصيدة رثاء خادم الحرمين الشريفين الملك عبدالله بن عبدالعزيز آل سعود رحمه الله

 رحمك الله أبا متعب


قصيدة رثاء خادم الحرمين الشريفين الملك عبدالله بن عبدالعزيز آل سعود تغمده الله بواسع رحمته وغفرانه وأسكنه فسيح جناته جنات النعيم 
" إنا لله وإنا إليه راجعون "

.....

يا مسافر لمصر الحبيبة سلامـات
طول غيابـك والمسافـة  قريبـة

طمّنا عن حالك وعن حالي الـذات
النيل يا مسافر لمصـر  الحبيبـة

عساه بأحسن حال ما فيه ثـورات
اللـي مشاريبـه عذيبـة رطيبـة

واللي شبيه النيل يا صاحبي  مات
صقر العروبة والخيـول النجيبـة

شيخ الوفاء والعدل صقر  المهمات
للقدس والأزهـر ومكـة وطيبـة

محبوب كل الناس في كل  الأوقات
من طيب ما قدم في دنيا  عجيبـة

والحب نعمة والليالـي  محطـات
نعمة من الرحمان ما هي  غريبـة

عساه في جنـة إلـه  السمـاوات
بعد المرض والموت دنيا  مريبـة

جارت على كل العرب والمجـرات
والله عطاه الخير نخـوة  وطيبـة

بالعدل طوعهـا ونـال الكرامـات
وللشمس إشراقة وللشمس غيبـة

والمرء مهما ذاق مـرّ ومسـرات
ما فيه مثل الموت أكبـر مصيبـة

أرحمنا يا رحمان للموت سكـرات
وأرحم أبو متعب وللمـوت هيبـة

والجنة الفردوس ما وسطها أموات
منزل لخير الخلـق جنـة رحيبـة

عساه فيها يصبح الصبح  ويبـات
الحـور فيهـا للنفـوس الأديبـة

اللي مع الهادي عليـه الصلـوات
أهل التواضـع بالحيـاة الغريبـة

صالح بن محسن الجهني