الصقور السعودية
لا تنزل مستواك لمستواهم
يا عريب الجد يا الصقر الفريد
عدهم لا شي كنك ما تراهم
ما يفيد الحكي معهم ما يفيد
شاعر محنك وتعرف وش دواهم
سيد المعنى ونبراس القصيد
ودام ربك من خزاهم ابتلاهم
بالنميمة للقريب وللبعيد
والشتيمة ما ترد إلا بلحاهم
والشتائم حيلة العقل البليد
أصبر وصبرك على منهو وراهم
وأحلم وحلمك على الجاهل وعيد
ولا تخاطبهم ولا تحقق مناهم
عرفنا باحقادهم ما هو جديد
شاربين الحقد من غازي غزاهم
لين صار الخبث يجري بالوريد
وهذا هو إعلامهم ينضح بما هم
فيه من ماساة والله الشهيد
عقدوا حبل الوفاء حتى طواهم
وأصبحوا في خسر بالقيد الحديد
وش يفيد نجادل ونحكي معاهم
اشهد ان فراقهم عز النشيد
لن يضرونا وودعنا لقاهم
خلهم يتنفسوا والبعد عيد
والجزيرة نفست عنهم شقاهم
حظهم وحظوظنا عنهم تزيد
نعرف الجيرة ولا نمشي معاهم
والدواء معروف للجار العنيد
لا علاقة ولا يرونا ولا نراهم
حكمة اللي يملك الرأي السديد
من دول تفهم وتعرف مبتداهم
وما صدر واضح وما قلتم أكيد
صالح محسن الجهني
